Wanawake wa kijiji cha Messe wilaya ya Siha mkoani Kilimanjaro wamelalamikia tatizo la ukosefu wa zahanati katika kijiji hicho hali ambayo inawalazimu wengi wao kujifungulia nyumbani kutokana na kushindwa kutembea umbali mrefu kufuata huduma ya afya katika maeneo ya vijiji vya jirani.
Wanawake hao wanasema kwa muda mrefu wamekuwa wakitaabika kutembea umbali mrefu kufuata huduma za afya katika maeneo ya vijiji jirani hali ambayo inachangia wanawake wengi kujifungulia kwenye mazingira ambayo siyo salama kufuatia tatizo hilo wameiomba serikali kuangalia uwezekno wa kuwajengea kituo cha kutolea huduma ya vipimo kwa ajili ya wanawake wajawazito na watoto ili kuwezesha wanawake waishio katika kijiji hicho kupata huduma bora za afya ya uzazi.
Mkurugenzi wa halimashauri ya wilaya ya Siha Rashidi Kitambulio anakiri kijiji hicho kukabiliwa na tatizo la ukosefu wa zahanati ya kutolea huduma za afya na kwamba tayari halimashauri ya wilaya hiyo imetenga kiasi cha shilingin milioni 132 kwa ajili ya ujenzi ambao tayari umeanza.
Mapema akiweka jiwe la msingi kwenye ujenzi wa zahanati hiyo ambayo ujenzi wake umeanza mkuu wa mkoa wa Kilimanjaro Bw.Amos Makalla ameauagiza uongozi wa halimashauri ya wilaya ya Siha kuhakikisha ujenzi wa zahanati hiyo unakamilika mapema ili kuwaondolea wananchi hususani wanawake wajawazito adha ya kutembea umbali mrefu kutafuta huduma za afya.
Post a Comment