WASICHANA WALIOBAKWA NA KUPATA UJAUZITO NA BOKO HARAMU

Maendeleo ya kweli na yenye tija kwa wengi yanaanzia kwako wewe binafsi, ili kudhibitisha kuwa ni kweli bofya picha hii.

SHIRIKA la Kutetea Haki za Kibinadamu la Umoja wa Mataifa limeitaka Nigeria kuwasaidia kuavya mimba wanawake na wasichana waliopata ujauzito walipokuwa wametekwa nyara na wapiganaji wa Boko Haram.

Shirika la Amnesty International linakadiria kuwa zaidi ya wanawake na wasichana 2,000 walitekwa nyara kaskazini-mashariki mwa Nigeria tangu mwaka wa 2014, wakiwemo wanafunzi 276 waliochukuliwa shuleni na kundi la Boko Haram katika eneo la Chibok.

“Wanawake na wasichana hao walidhulumiwa kingono na wapiganaji wa Boko Haram walipokuwa wametekwa nyara kwa miezi kadha na hata zaidi ya mwaka mmoja. Wengi wao walilazimishwa kuolewa huku baadhi yao wakibakwa,” akasema Zeid Ra’ad Al Hussein wa Baraza la Kutetea Haki za Kibinadamu la Umoja wa Mataifa.

“Baadhi ya waathiriwa waliookolewa kutoka mikononi mwa Boko Haram ni wajawazito na wengi wao wanataka wasaidiwe na serikali kuavya mimba hizo. Lakini nchini Nigeria, uavyaji mimba huruhusiwa tu endapo maisha ya mwanamke yapo hatarini. Iwapo mimba hizo hazitatamatishwa zitaendelea kuwakumbusha waathiriwa machungu waliyopitia mikononi mwa Boko Haram,” akasema.

Hussein aliitaka serikali kuingilia kati kuwasaidia wanawake na wasichana hao kuavya mimba huku akionya kuwa huenda baadhi yao wakajitia kitanzi kutokana na mimba hizo.

 “Katiba inafaa kufasiriwa vyema ili kujumuisha hatari kama vile kujinyonga na maradhi ya kiakili kama masuala yanayoweza kulazimu uavyaji wa mimba,” akasema.

Kadhalika, Hussein aliitaka serikali kuhakikisha kuwa wasichana waliookolewa kutoka katika ngome ya Boko Haram wanasaidiwa kutangamana na jamii zao.

Maafa kupindukia

Kundi la Kiislamu la Boko Haram limesababisha maafa ya zaidi ya watu 15,000 nchini Nigeria tangu mwaka wa 2009.

Kwingineko, washambuliaji wawili wa kujitoa mhanga walifariki huku watu wengine watatu wakijeruhiwa baada ya kujilipua karibu na hospitali katika mji wa Maiduguri, Jumatano.

Washambuliaji hao walijilipua dakika chache baada ya Makamu wa Rais Yemi Osinbajo kuwasili mjini humo kwa ajili ya kutembelea kambi za wakimbizi ambao wamekuwa wakitoroka mashambulio ya Boko Haram.

Shambulio hilo lilitokea katika eneo ambapo wapiganaji wa kujitoa mhanga walijilipua Jumamosi na kusababisha vifo vya watu watatu huku wengine 16 wakijeruhiwa.

Mji wa Maiduguri umekuwa ukilengwa mara kwa mara na Boko Haram tangu Rais Muhammadu Buhari, kuchukua hatamu za uongozi wa nchi hiyo mnamo Mei 29.

Rais Buhari alihamisha kituo cha kuelekeza operesheni dhidi ya Boko Haram kutoka Abuja hadi Maiduguri.

Hata hivyo, bado haijulikani ikiwa washambuliaji hao wa kujitoa mhanga wamekuwa wakilenga hospitali au la.

Siku zote bahati yako iko mikononi mwako tu, ili kudhibitisha kuwa ni kweli bofya kwenye picha iliyopo hapa chini.

Never let a problem become an excuse. Put your Problem in Proper Perspective. What is the secret ingredient of tough people that enables them to succeed? Why do they survive the tough times when others are overcome by them? Why do they win when others lose? Why do they soar when others sink? The answer is very simple. It's all in how they perceive their problems.

Share habari hii na wenzio wajue

• Share

Filed Under: HABARI KIMATAIFA on Thursday, July 2, 2015