KUNA MTU MATATA SANA NDANI YA YANGA

Maendeleo ya kweli na yenye tija kwa wengi yanaanzia kwako wewe binafsi, ili kudhibitisha kuwa ni kweli bofya picha hii.

KUNA mtu mmoja matata sana ndani Yanga kwa sasa, Malimi Busungu. Huyu jamaa ametangaza hatari na kusisitiza kwamba yeyote atakayejiingiza kwenye anga zao kwa sasa amejiloga mwenyewe. Haponi.

Busungu ameenda mbali zaidi kwa kuwataja kwa majina kabisa watu ambao ni moto wa kuotea mbali ndani ya Yanga na ambao kila wakilala na kuamka wanaota mabao tu.

Straika huyo amefungua mdomo wake na pia kuzinyooshea vidole timu zote ambazo hazijakutana na kikosi chao akisema uwepo wa washambuliaji wenzake Amissi Tambwe, Donald Ngoma ni vigumu safu hiyo kutoka bila ushindi.

Akizungumza na Mwanaspoti mjini hapa, Busungu alisema kwa sasa anafurahia kucheza pamoja na washambuliaji hao ambao ubora wao tofauti ndiyo unaowafanya kutoka wakishangilia hata wakikutana na timu yoyote.

Busungu alisema Ngoma ni straika mzuri ambaye anajua kupambana na beki yeyote bila kuogopa huku Tambwe akiwa vyema katika kutumia nafasi endapo anasahaulika ambapo akiongezeka na yeye kazi ya kuwazuia inakuwa ngumu na kutamba watafunga sana.

Alisema ameanza kuzoea kucheza na wawili hao wa kigeni ambao wanampa nafasi kujua ajifiche wapi aweze kufunga hali ambayo itazidi kuipa pointi tatu Yanga katika kila mechi zijazo.

“Angalia nilivyofunga bao la kwanza(kwenye mechi ya Mtibwa) kazi kubwa aliifanya Ngoma kugombea mpira na yule beki wa Mtibwa nilijua kuna kitu kitatokea pale na kweli nikaupata mpira na kufunga kirahisi, Ngoma uzuri wake haogopi kitu anajua kupambana,” alisema Busungu.

“Watu wanaodhani tunabahatisha kama hatujakutana nao wataona Yanga tuko vizuri kupita maelezo, kwasasa tunataka kuhakikisha tunapata pointi tatu tu katika kila mchezo.”

YONDANI NOMA

Kocha Mkuu wa Yanga, Hans Pluijm ameiangalia safu yake ya ulinzi na kusema vijana wako sawa, ila huyu Kelvin Yondani huyu sio wa kawaida lazima atakuwa amepitia jeshini.

Akizungumza na Mwanaspoti Pluijm alisema Yondani kwasasa anapitia kipindi kitamu cha kucheza akiwa katika ubora wake mkubwa ambapo kazi anayoifanya sasa katika kikosi hicho hajawahi kuiona tangu atue katika ardhi ya Tanzania.

Pluijm alisema beki huyo ni jasiri kupita maelezo ambapo tangu ligi ianze amekuwa hataki kumwona mshambuliaji yeyote anamsogelea kipa wao, Ally Mustapha ‘Barthez’ kirahisi.

“Angalia anavyopambana anajua kukaba kwa sasa ni hatari, lakini haishii hapo leo (juzi) kidogo afunge ni mwanajeshi hataki kukata tamaa huu ndiyo ubora ninaoutaka kwa wachezaji wangu.”

Nahodha wake, Nadir Haroub ‘Cannavaro’ amemfuata bosi wake huyo na kumwambia Yanga hii haijawahi kutokea kwani yoyote atapigwa. Akizungumza na Mwanaspoti Pluijm alisema alishtushwa na ujio wa Cannavaro kwake ambapo moja ya kitu ambacho beki huyo alikitamka ni juu ya kushangazwa na uwezo wa timu yao akisema tangu asajiliwe zaidi ya miaka ninane iliyopita hajawahi kuishuhudia.

Pluijm alisema Cannavaro alisema kikosi chao kwasasa kipo katika ubora ambao hausimuliki kwa kuwa na njaa ya ushindi ambapo hali hiyo ndiyo inayolazimu timu pinzani kupishana kwa kupokea vipigo kutoka kwao.

Alisema beki huyo mkongwe na kiongozi alisema wachezaji wote wa kikosi hicho wako pamoja na wanapeana moyo katika kila mchezo jambo ambalo hata msimu uliopita halikuwepo.

“Ukiacha maneno hayo ya Cannavaro hata mimi nakubaliana na hilo hii timu ya msimu huu ina nguvu zaidi kila mchezaji ana ubora wake ulio katika kiwango kizuri,” alisema Pluijm.

Siku zote bahati yako iko mikononi mwako tu, ili kudhibitisha kuwa ni kweli bofya kwenye picha iliyopo hapa chini.

Never let a problem become an excuse. Put your Problem in Proper Perspective. What is the secret ingredient of tough people that enables them to succeed? Why do they survive the tough times when others are overcome by them? Why do they win when others lose? Why do they soar when others sink? The answer is very simple. It's all in how they perceive their problems.

Share habari hii na wenzio wajue

• Share

Filed Under: MICHEZO NA BURUDANI on Friday, October 2, 2015